सुकुम्बासी समस्या समाधान सम्बन्धमा कांग्रेसले संसद्‍मा सार्वजनिक महत्वको प्रस्ताव लैजाने

नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानले भूमिहीन सुकुम्बासी तथा अव्यवस्थित बसोबासीको समस्या दीर्घकालीन रूपमा समाधान गर्न साझा राष्ट्रिय दृष्टि र कार्ययोजना निर्माण गर्न सरकार तथा सबै राजनीतिक दललाई आग्रह गरेको छ।

उपसभापति एवं प्रतिष्ठानका प्रमुख विश्वप्रकाश शर्माको अध्यक्षतामा बसेको बैठकले सुकुम्बासी समस्यालाई दलगत विषयभन्दा माथि उठाएर राष्ट्रिय जिम्मेवारीका रूपमा समाधान गर्नुपर्ने निष्कर्ष निकालेको हो।