२०२५ मा इजिप्टमा १ करोड ९० लाख पर्यटक भित्रिए

कायरो । इजिप्टले सन् २०२५ मा झण्डै १ करोड ९० लाख विदेशी पर्यटक भित्र्याउँदै पर्यटन क्षेत्रमा नयाँ रेकर्ड कायम गरेको छ । यो संख्या अघिल्लो वर्षको तुलनामा २१ प्रतिशतले वृद्धि भएको हो ।

पर्यटन तथा पुरातत्त्व मन्त्री सरिफ फाथीका अनुसार मुलुकमा सुरक्षा र स्थिरता, स्पष्ट विकास रणनीति, पर्यटन उत्पादनको विविधीकरण तथा सेवाको गुणस्तर सुधारका कारण पर्यटक आगमन उल्लेख्य रूपमा बढेको हो ।