हिँडेरै मैदानमा तहल्का मच्चाउँदै आधुनिक फुटबलका राजा

एट्लान्टा । अर्जेन्टिना सन् १९६२ यता विश्वकपको उपाधि रक्षा गर्ने पहिलो राष्ट्र बन्न सफल भयो भने त्यसको केन्द्रमा लियोनेल मेस्सी नै हुनेछन् । ३९ वर्ष पुगिसकेका मेस्सीले आफ्नो छैटौँ विश्वकपमा पनि उत्कृष्ट प्रदर्शन गरिरहेका छन् ।

पोर्चुगलका क्रिस्टियानो रोनाल्डो र मेक्सिकोका गुइलेर्मो ओचोआसँगै सबैभन्दा धेरै विश्वकप खेल्ने कीर्तिमान बनाएका उनले यस पटक ८ गोल र ३ असिस्ट गरिसकेका छन् । गोल्डेन बुटको दौडमा फ्रान्सेली स्ट्राइकर किलियन एम्बाप्पेसँगै अगाडि रहे पनि सन् २००३ मा बार्सिलोनाबाट डेब्यु गर्दाको मेस्सी र अहिलेको मेस्सीमा आकाश–जमिनको फरक देखिन्छ ।