राष्ट्रिय सूचना प्रविधि केन्द्रका तत्कालीन कार्यकारी निर्देशक पौडेल भ्रष्टाचार मुद्दामा दोषी ठहर

विशेष अदालतले राष्ट्रिय सूचना प्रविधि केन्द्रका तत्कालीन कार्यकारी निर्देशक सुनिल पौडेललाई भ्रष्टाचार मुद्दामा दोषी ठहर गरेको छ। सेक्युरिटी एप्लिकेसन र नेटवर्किङ उपकरण खरिद प्रक्रियामा २ लाख ८० हजार अमेरिकी डलर (करिब ३ करोड ८ लाख ५० हजार रुपैयाँ) घुस लिएको अभियोगमा अदालतले उनलाई दोषी ठहर गरेको हो । मंगलबार विशेष अदालतका अध्यक्ष न्यायाधीश सुदर्शनदेव भट्ट तथा सदस्यहरू हेमन्त रावल र डिल्लीरत्न श्रेष्ठको इजलासले फैसला सुनाएको हो ।

पौडेलले सार्वजनिक संस्थाको जिम्मेवार पदमा रहेर पदीय मर्यादा विपरीत गैरकानुनी लाभ लिनका लागि २ लाख ८० हजार अमेरिकी डलर रिसवत लिन मञ्जुर गरेको पुष्टि भएको ठहर गरेको छ ।