नारी उत्थान समाजसेवा पुरस्कारबाट पौडेल सम्मानित

पोखरा । नारी उत्थान दिदीबहिनी समूह पोखराद्वारा स्थापित र सञ्चालित नारी उत्थान समाजसेवा पुरस्कार सामाजिक अभियन्ता सुष्मा पौडललाई प्रदान गरिएको छ ।

संस्थाको सोमबार १० औं साधारणसभा अवसरमा पोखरा महानगरपालिका कार्यवाहक प्रमुख मञ्जुदेवी गुरुङले नगद ११ हजार १११ सहित सम्मानपत्र पौडेललाई हस्तान्तरण गरिन् । सो अवसरमा उनले नारी उत्थान दिदीबहिनी समूहले स्थापनाकालदेखि नै उत्कृष्ट कार्य गर्दै आएको जनाउँदै पुरस्कारसमेत स्थापना गरी अन्य संघसंस्थालाई समेत उत्साहित गरेको बताइन् ।