कंगोमा करेन्ट लागेर २६ जनाको मृत्यु

काठमाडौं- प्रजातान्त्रिक गणतन्त्र कंगोमा करेन्ट लागेर २६ जनाको मृत्यु भएको छ। कंगोको राजधानी किन्शासाको बजारमा हाई-भोल्टेज तार पानी जमेको नालीको खाडलमा खस्दा कम्तिमा २६ जनाको मृत्यु भएको स्थानीय अधिकारीहरूले बताएका हुन्।

‘तार चुँडियो र बिहानको वर्षापछि पानीले भरिएको खाल्डोमा खस्यो। हालसम्म २६ जनाको मृत्यु भएको छ,’ किन्शासा प्रान्तीय सरकारका प्रवक्ता चार्ल्स म्बुटामुन्टुले एएफपी समाचार एजेन्सीलाई भने।