दश बुँदे कारण दिँदै विद्यार्थीहरुले भने- एमबीबीएस र बीडीएसपछि एक वर्षे अनिवार्य कार्यानुभव हटाउ

काठमाडौं- चिकित्सा शिक्षा अन्तर्गत एमबीबीएस र बीडीएसपछि स्नातकोत्तर तह अध्यनरत र अध्यनको तयारीमा रहेका विद्यार्थीहरुले अध्ययनका लागि अनिवार्य रुपमा राखिएको एक वर्षे कार्यानुभवको कानुनी व्यवस्था हटाउन माग गरेका छन्।

नेपाल चिकित्सक संघ जुनियर डक्टर्स कमिटीले शनिबार आयोजना गरेको पत्रकार सम्मेलनमा चिकित्सक विद्यार्थीहरुले उक्त व्यवस्था हटाउन माग गरेका हुन्। उनीहरुले राष्ट्रिय चिकित्सा शिक्षा ऐनमा रहेको उक्त व्यवस्था अवैज्ञानिक र अव्यवहारिक रहेको भन्दै हटाउनु पर्ने माग राखेका हुन्।