न्युजिल्याण्डले दक्षिण अफ्रिकालाई हरायो

काठमाडौँ । आईसीसी एकदिवसीय विश्वकपको अभ्यास खेलमा न्युजिल्याण्डले दक्षिण अफ्रिकालाई डकवर्थ लुइस मेथडमा ७ रनले हराएको छ । वर्षाले प्रभावित खेलमा ३७ ओभरमा २ सय १९ रनको लक्ष्य पाएको दक्षिण अफ्रिकाले ४ विकेटको क्षतिमा २ सय ११ रन मात्र बनाउन सक्यो ।

दक्षिण अफ्रिकाका लागि क्विन्टन डी ककले नटआउट रहँदै ८४ रन बनाए पनि टोलीलाई जीतसम्म डोर्‍याउन सकेनन् । रासी भान डर डुसेनले ५१ रनको योगदान दिए भने हेनरिक क्लासनले ३९ रन बनाए । न्युजिल्याण्डका लागि ट्रेन्ट बोल्टले २ विकेट तथा मिचेल स्यान्टनर र इस सोधीले १–१ विकेट लिए ।