गोल्डेन बुटको दौडमा सबैलाई उछिने एमबाप्पेले

काठमाडौं– फ्रान्स स्टार केलियन एमबाप्पेले गोल्डेन बुटको दौडमा सबै खेलाडीलाई पछाडि छोडेका छन्। उनले पोल्याण्डविरूद्ध प्रिक्वाटर फाइनलमा फ्रान्सलाई ३–१ गोलले जिताउन दुई महत्वपूर्ण गोल गरे। उनले ७४ र ९१ मिनेटमा गोल गरेका थिए।

जारी विश्वकपमा यो उनको पाँचौं गोल हो। गोल्डेन बुटको दौडमा यसअघि ३ गोल गर्दै एमबाप्पेसँगै अर्जेन्टिनाका लिओनल मेसी, नेदरल्याण्ड्सका केडी गाक्पो, स्पेनका अल्भारो मोराटा र इंग्ल्याण्डका मार्कुस रासफोर्ड थिए। तर, पोल्याण्डविरूद्धको खेलपछि एमबाप्पे धेरै अगाडि बढेका छन्।