ट्रम्पको इरान युद्ध नीतिविरुद्ध मोर्चाबन्दी : डेमोक्र्याटले रोके १.१५ ट्रिलियन डलरको रक्षा बजेट

वासिङ्टन डिसी । अमेरिकी सिनेटमा मंगलबार १.१५ ट्रिलियन डलरको वार्षिक रक्षा नीति विधेयक डेमोक्र्याटहरूले रोकिदिएका छन्। इरान युद्धप्रति असन्तुष्टि र द्वन्द्वमा अमेरिकी सेना पठाउने निर्णयबारे राष्ट्रपति डोनाल्ड ट्रम्पले कंग्रेससँग परामर्श नगरेको भन्दै उनीहरूले यो कदम चालेका हुन्।

सिनेटमा डेमोक्र्याटिक नेता न्यूयोर्कका सिनेटर चक शुमरले सिनेटको सम्बोधनमा मतदानको विपक्षमा उभिने घोषणा गर्दै भने, ‘ट्रम्पले यो युद्ध बिना अनुमति, बिना रणनीति र बिना बहिर्गमन सुरु गरे ।’ राष्ट्रिय रक्षा प्राधिकरण ऐन अर्थात् एनडीएए माथिको प्रक्रियागत मतदान असफल भएको छ। विधेयकको पक्षमा ५० र विपक्षमा ४६ मत परे पनि १०० सदस्यीय सिनेटमा अगाडि बढ्न आवश्यक ६० मत पुग्न सकेन।