अझै दुई दिन पानी पर्ने

काठमाडौं । अझै दुई दिन पानी पर्ने भएको छ । स्थानीय वायुसँगै पश्चिमी वायुको प्रभावले काठमाडौं उपत्यकासहित देशका पहाडी भेगमा वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले उल्लेख गरेको छ ।

प्रि-मनसुन पनि सक्रिय रहेकाले मेघगर्जन-चट्याङसहित वर्षा भएको हो । काठमाडौं उपत्यकामा शनिबार वर्षा भएको थियो। आइतबार र सोमबार वर्षाको सम्भावना रहेको मौसमविद् गङ्गा नगरकोटीले बताए ।