विश्वकप क्रिकेटमा आज दुई खेल, यी चार टोलीबीच हुँदैछ प्रतिस्पर्धा

अस्ट्रेलियामा जारी आठौँ संस्करणको आइसिसी टी–२० विश्वकपमा आज दुई खेल हुँदै छन् । आज हुने पहिलो खेलमा जिम्बाब्वे र नेदरल्याण्ड्स खेल्दै छन् । यी दुई टोलीबीचको खेल बिहान ९ः४५ देखि एडिलेडमा सुरु हुनेछ ।​

जिम्बाब्वे र नेदरल्याण्ड्सको सेमिफाइनल यात्रा लगभग समाप्त भइसकेको छ । यी दुवै टिम सुखद अन्त्य गर्न चाहन्छन् । तीन म्याच खेल्दा जिम्बाब्वेले एकमा जित, एकमा हार र एक खेलमा वर्षाका कारण अंक बाँडेको छ । ऊ तालिकाको चौथो स्थानमा रहेको छ ।