जेनजी आन्दोलनमा विदेशी प्रभावको आशङ्का : निष्पक्ष छानबिनको माग

काठमाडौँ । बाजुराका धर्मराज तिमिल्सीनाले जेनजी आन्दोलनमा विदेशी प्रभाव परेको आशङ्का व्यक्त गर्दै प्रधानमन्त्री सुशीला कार्कीलाई ध्यानाकर्षण पत्र बुझाएका छन्। उनले आइतबार सूचना तथा सञ्चारमन्त्री जगदिश खरेलमार्फत प्रधानमन्त्रीलाई उक्त पत्र बुझाएका हुन्।

तिमिल्सीनाले आन्दोलनका क्रममा भएको तोडफोड, आगजनी र नागरिक आतङ्कले राष्ट्रिय सुरक्षामाथि गम्भीर असर पारेको भन्दै घटनाबारे निष्पक्ष छानबिन गर्न सरकारसँग माग गरेका छन्। उनका अनुसार सामाजिक सञ्जालमार्फत भ्रामक प्रचारप्रसार र विदेशी प्रयोजनका गतिविधि देखिएका छन्, जसले नेपालको शान्ति र सार्वभौमिकतामाथि प्रश्न उठाएको छ।