बक्यौताको बोझ

डेडिकेटेड लाइन पाएका ठूला उपभोक्ताहरूबाट महसुल लिन नसक्नु ठूलालाई चैन र सानालाई ऐनको व्यवहार प्राधिकरणबाट हुनु हो। झन् प्रधानमन्त्री ​​​​​​​पुष्पकमल दाहालले बक्यौता उठाउने विषयलाई स्थगित गर्न दिएको निर्देशन कुशासनको द्योतक हो।

नेपाल विद्युत् प्राधिकरणले भारतमा बिजुली निर्यात गरेको खबरले सुखद सञ्चार गरे पनि भित्री तथ्य त्यति सुखद छैन। कारण के भने प्राधिकरणले जति रुपैयाँको बिजुली भारतलाई बेचेको छ, त्यसको झन्डै दोब्बरको आयात गरेको छ।