इङ्गल्याण्डविरुद्धको खेललाई फकल्याण्ड युद्धसँग मिसाएपछि यसो भने अर्जेन्टिनाका मुख्य प्रशिक्षकले

काठमाडौँ। अर्जेन्टिनाका मुख्य प्रशिक्षक लियोनेल स्कालोनीले फिफा विश्वकप २०२६ मा आफ्नो टोलीको प्रदर्शनमाथि भइरहेको आलोचनालाई पूर्ण रूपमा अस्वीकार गरेका छन्। उनले टोलीले सेमिफाइनलसम्मको यात्रा कसैको भाग्यले नभई आफ्नै क्षमता र मेहनतले तय गरेको स्पष्ट पारेका छन्।

इङ्गल्याण्डविरुद्धको सेमिफाइनल भिडन्तअघि आयोजित पत्रकार सम्मेलनमा बोल्दै स्कालोनीले टोली मानसिक र शारीरिक रूपमा पूर्ण तयार रहेको र लगातार दोस्रो पटक विश्वकप उपाधि रक्षा गर्ने अभियानमा प्रतिबद्ध रहेको बताए। अमेरिकाको एटलान्टामा बुधबार हुने दोस्रो सेमिफाइनल खेलको विजेताले जुलाई १९ मा न्यूयोर्क–न्यु जर्सी स्टेडियममा हुने फाइनलमा उपाधिका लागि स्पेनको सामना गर्नेछ।