दिउँसो २ बजे नै भन्सार पास भएको करिब १ सय केजी सुन कसरी समातियो?

त्रिभुवन अन्तर्राष्ट्रिय विमानस्थलबाट राजस्व अनुसन्धान विभागले बुधबार साँझ करिब १०० किलो सुन बरामद गरेको छ।

विमानस्थलको कार्गो गोदाममा छापा मारेर भन्सार छली ल्याइएको करिब ८० देखि १०० किलो सुन बरामद भएको विमानस्थल भन्सार स्रोतले बताएको छ। यद्यपि बुधबार रातिसम्म अपरेसन जारी रहेकाले सुनको परिमाण यकिन भने भन्न सकिने अवस्थामा नरहेको स्रोतले जनाएको छ।