९१ वर्षीय अर्जेन्टिनी पत्रकार, जसले लगातार १८औँ विश्वकपको रिपोर्टिङ गरिरहेका छन्

९१ वर्षीय अर्जेन्टिनी खेल पत्रकार एनरिके माकाया मार्केजसँग अहिले लगभग सबैजना एउटा तस्बिर खिच्न चाहन्छन् । अर्जेन्टिनाका मुख्य प्रशिक्षक लियोनेल स्कालोनी पनि त्यसबाट अछुतो रहेनन् । जोर्डनविरुद्धको विश्वकप समूह चरणको खेलअघि आयोजित पत्रकार सम्मेलन सकिएपछि स्कालोनीले आफैं रोकिएर माकायासँग तस्बिर खिचाए ।

‘माकाया’ नामले चिनिने यी वरिष्ठ पत्रकारको जीवनकथा आफैंमा एउटा इतिहास हो । करिब सात दशक लामो पत्रकारिता यात्रामा उनले लगातार १८ वटा पुरुष विश्वकपको प्रत्यक्ष रिपोर्टिङ गरेका छन्, जुन विश्व फुटबल पत्रकारितामा अभूतपूर्व कीर्तिमान हो ।