‘यो गुन कहिल्यै तिर्न सक्दैनौं’

२६ असोज, काठमाडौं । सरकारले इजरायलबाट २५४ जना नेपालीलाई उद्दार गरेर काठमाडौं ल्याएको छ । मन्त्रिपरिषद्को निर्णयअनुसार परराष्ट्रमन्त्री एनपी साउद आफैं चार्टर विमान लिएर राजधानी तेल अबिब पुगेका थिए ।

बिहीबार विहानपख काठमाडौं आइपुग्दा उद्दार गरिएका सबै निकै खुसी थिए । धेरैले आफ्नो खुसीको आँशु लुकाउन सकेनन् । उनीहरुमध्ये एक थिइन् रेश्मा श्रेष्ठ । लर्न ल्याण्ड कर्न कार्यक्रम अन्तरगत इजरायल पुगेकी उनी आफू भाग्यवस बाच्न सफल भएको सुनाउँछिन् ।