तिमी आलु पत्रकार!

काठमाडौँको भिडभाड र मिडियाको गल्लीमा छिरेको केही समयमै एउटा वाक्य मेरो कानमा यसरी ठोक्कियो, मानौँ राजधानीको पत्रकारिताको ‘संस्कृति’ नै त्यसैमा ‘कन्डेन्स’ भएको थियो।

झापा र इलामका सडक-गाउँ डुलेर हरेक किसिमका समाचार लेख्दै विराटनगरमा हुर्किएको म, न त कुनै एक ‘बिट’ मा बाँधिएको थिएँ, न त्यसको परिभाषाले मलाई रोक्न सक्यो। राजधानीमा भने पत्रकारिता ‘बिट’ का डब्बाभित्र थुनिनुपर्ने संसार रहेछ। यहाँ ‘फ्लेक्सिबल’ हुनु कमजोरी ठानिन्छ। सबै विषयमा खटिने पत्रकारलाई ‘आलु’ भनिँदो रहेछ। म त्यही ‘आलु पत्रकार’, समाचारका हरेक ढोका खोलेर भित्र छिर्न थालेँ।