बंगुरको मासु खानुअघि प्रार्थना गर्दा दुई वर्ष जेल

इन्डोनेसियामा एक मुस्लिम महिला बंगुरको मासु खानुअघि इस्लामी प्रार्थना गरेकोमा जेल परेकी छन्। सीएनएनका अनुसार लिना लुत्फियावती नामकी महिलालाई इन्डोनेसियाको इसनिन्दा कानुनबमोजिम दुई वर्षको जेल सजाय सुनाइएको हो। उनी टिकटकमा लिना मुखर्जीको नामले चर्चित छिन्।

टिकटक स्टार लिनाले बालीको पर्यटकीय द्वीप भ्रमण गर्ने क्रममा बंगुरको मासु खानुअघि इस्लामको प्रार्थना पढेकी थिइन्। कुनै शुभकामको सुरुवात गर्नुअघि मुस्लिमहरूले यस्तो प्रार्थना गर्ने गर्छन्।