गरुडा नगरपालिकाको कार्यालयमा तोडफोड

रौतहट । रौतहटको गरुडा नगरपालिका कार्यालयमा तोडफोड गर्ने प्रदर्शनकारी र प्रहरीबीच झडप भएको छ । झडपका क्रममा ६ जना प्रहरी र एक जना प्रदर्शनकारी घाइते भएका छन् । झडपमा परेर गरुडा नगरपालिका–५ का गजेन्द्र साह घाइते भएको इलाका प्रहरी कार्यालय गरुडाले जनाएको छ ।

सोही नगरपालिकाको नगरप्रमुखका प्रत्याशी दीपक यादवले गरुडा नगरपालिकाको कार्यालयमा तालाबन्दी गर्न खोजेपछि विवाद भएको र झडप भएको प्रहरीले जनाएको छ । झडप नियन्त्रणमा लिन प्रहरीले अश्रुग्यासका साथै हवाई फायर गरेको थियो ।