मुख्य सामग्रीमा जानुहोस्

समाचार

विश्व

कोभिडविरुद्ध ‘अतिरिक्त मात्रा’ आजदेखि

ekantipur.com · Tue Jan 04 00:38:42 GMT 2022

काठमाडौँ — सरकारले ६० वर्ष नाघेका र कमजोर प्रतिरक्षा प्रणाली भएकालाई कोभिड–१९ विरुद्धको खोपको ‘अतिरिक्त मात्रा’ दिने निर्णय गरेको छ । पूर्ण खोप लगाएको ३ महिना पुगेका र चीनमा निर्मित भेरोसेल वा सिनोफार्म खोप लगाएका ६० वर्षभन्दा माथिकालाई अतिरिक्त खोप दिन लागिएको हो ।

विज्ञहरूले कोरोनाको नयाँ भेरिएन्ट ‘ओमिक्रोन’ का कारण आउन सक्ने अर्को लहरको जोखिम न्यून गर्न बुस्टर डोजको आवश्यकता औंल्याउँदै आएका थिए । सरकारले बुस्टर डोज नभने पनि मंगलबारदेखि ‘अतिरिक्त खोप’ दिने निर्णय गरेको हो । स्वास्थ्य तथा जनसंख्या मन्त्रालयले सोमबार यससम्बन्धी सार्वजनिक सूचना जारी गरेको छ । सूचनामा पहिले जुन खोप लगाइएको हो, सोही प्रकृतिको थप एक मात्रा खोप दिइने उल्लेख छ । केही दिनअघि राष्ट्रिय खोप सल्लाहकार समितिले पनि निश्चित समूहलाई खोपको अतिरिक्त मात्रा दिन सिफारिस गरेको थियो ।

स्रोतमा पूरा पढ्नुहोस् (ekantipur.com)