संविधान संशोधन विधेयकका पक्षमा मतदान गर्ने कांग्रेस निर्णय

काठमाडौं- प्रमुख प्रतिपक्षी दल नेपाली कांग्रेसले संविधान संशोधन विधेयकका पक्षमा मतदान गर्ने निर्णय गरेको छ। पार्टी केन्द्रीय कार्य समितिकाे शनिबार अबेर सम्पन्न बैठकले संसदीय दललाई संविधान संशोधनका पक्षमा मत दिन निर्देशन दिएको प्रवक्ता विश्वप्रकाश शर्माले जानकारी दिए।

बैठकपछि शर्माले भने, 'नेपाली कांग्रेस केन्द्रीय कार्य समितिको यो बैठकले सरकारद्वारा प्रस्तुत संविधान संशोधनको पक्षमा मतदान गर्न पार्टीको संसदीय दललाई निर्देश गर्ने निर्णय गरेको छ।' शर्माले कांग्रेसको इतिहास स्मरण गराउँदै यसपटक पनि पार्टी देशको पक्षमा रहेको बताए।