ला लिगामा ३४ औं चरणका खेल सुरु, बार्सिलोना उपाधि नजिक

काठमाडौं । स्पेनिस ला लिगा फुटबलमा रायो भायकानोले गेटाफेलाई हराएको छ । भायकानोले घरेलु मैदानमा गेटाफेलाई १-० ले हराएको हो । उसका लागि फ्लोरियन लेज्यूनले सातौं मिनेटमा गरेको गोल नै निर्णायक बन्यो ।

पूरै खेल समयभर गेटाफेले गोल गर्न सकेन, उल्टै ८० औं मिनेटमा जेनेले रातो कार्ड खाएपछि १० जनामा सिमित भयो । लिगमा ३४ औं चरणका खेल सुरु हुँदा भायकानो ४४ अंकका साथ नवौं स्थानमा छ भने गेटाफे ३९ अंकका साथ १२ औं स्थानमा छ ।