सेतीको भवन आठ वर्षसम्म पनि निर्माण हुन सकेन

धनगढी । कैलालीस्थित हेभी इक्विप्मेन्ट गोदावरीका डिभिजन प्रमुख हरहिर पन्तको कम्पनीले आठ वर्ष हुँदा पनि सेती अस्पतालको भवन निर्माण गर्न सकेको छैन् । हरहिर पन्तकी श्रीमती सञ्चालन रहेको थेगिमले ८ वर्षसम्म सेती अस्पतालको भवन निर्माणको काम पूरा नगरेको हो । हरहिरले श्रीमतीको नाममा निर्माण कम्पनी सञ्चालन गर्दै आएका हुन् ।

सहरी विकास तथा भवन निर्माण विभाग, संघीय आयोजना कार्यान्वयन इकाई, धनगढी र रविना–थेगिम जेभीको बिचमा २०७४ कार्तिकमा सेती अस्पतालमा नयाँ भवन निर्माण गर्न सम्झौता भएको थियो । निर्माण कम्पनीले ३० महिनाभित्र अस्पताल भवन निर्माणको काम पूरा गर्नुपर्ने हो । तर, सम्झौता भएको ९१ महिना हुँदा पनि भवन निर्माणको काम अलपत्र पारिएको हो । रविना÷थेगिम जेभीले ३० महिनामा पूरा गर्नुपर्ने अस्पताल भवनको काम ९१ महिनासम्म पनि अधुरै छ । यता, हेभी इक्विप्मेन्ट गोदावरीका डिभिजन प्रमुख पन्तले फोन उठाएनन् ।