जुम्ला विमानस्थल विस्तार : बजेटबिनै अघि बढाइयो जग्गा अधिग्रहणको कार्य

सुुर्खेत । कर्णालीका हिमाली जिल्लाका विमानस्थलमध्ये सबैभन्दा सहज मानिन्छ जुम्ला विमानस्थल । तर, राज्यको उपेक्षाका कारण यो विमानस्थल अहिलेसम्म पनि विस्तार हुन सकिरहेको छैन ।

संघीयतापछि यो विमानस्थल विस्तारका नाममा केही बजेट छुट्याउने काम सुरु भयो । यद्यपि विस्तारको कार्य भने अघि बढेन । सञ्चालनमा आएको दुई दशकपछि बल्ल विमानस्थल विस्तारका लागि जग्गा अधिग्रहणको कार्य अगाडि बढाइएको छ, त्यो पनि बजेटबिनै ।