पार्टी सञ्चालनमा आफ्नो भूमिका थप स्पष्ट पार्नुपर्ने कार्यदलसँग प्रचण्डको भनाइ

नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले पार्टी सञ्चालनमा आफ्नो भूमिकाबारे छ–सदस्यीय कार्यदलले गरेको प्रस्तावमा थप स्पष्टता खोजेका छन्।

अध्यक्ष प्रचण्डसँग भेट्न शनिबार उनकै निवास खुमलटार पुगेका पार्टी महासचिव विष्णु पौडेल र प्रदेश ५ का मुख्यमन्त्री शंकर पोखरेलसँग पार्टी सञ्चालनमा आफ्नो भूमिकाको विषयमा कार्यदलको प्रतिवेदनले गरेको प्रस्ताव अमुर्त भएको भन्दै त्यसलाई स्पष्ट पार्नुपर्ने बताएका हुन्।