अमेरिकाको चीनविरुद्ध फेरि अर्को कदमः चिनियाँ कम्पनीमाथि लगायो प्रतिबन्ध

एजेन्सी । अमेरिकाले चिनियाँ कम्पनी सिन्जियाङ प्रोडक्सन एण्ड कन्स्ट्रक्सनका उत्पादन र त्यहाँ कार्यरत अधिकारीलाई प्रतिबन्ध लगाएको छ । अमेरिकाले उक्त कम्पनीका अधिकारी सुन जिनलोङ र पेङ जियारुईमाथि पनि प्रतिबन्ध लगाएको छ । उनीहरुमाथि अमेरिकाले चीनको शिन्जियाङ प्रान्तमा रहेका उइगुर मुसलमान समुदायमाथि उत्पीडन गरेको र मानवअधिकार उल्लंघटनका घटनामा सहभागी भएको आरोप लगाएको छ ।

यो प्रतिबन्धपछि उक्त कम्पनी र त्यसका २ अधिकारीले अब अमेरिकी अर्थव्यवस्थाभित्र आर्थिक कारोबार गर्न पाउने छैनन् । योसँगै अब उनीहरुलाई अमेरिका प्रवेशमा समेत प्रतिबन्ध लाग्नेछ र प्रतिबन्धित कम्पनीको सम्पत्ति जफत हुनेछ । अमेरिकी वित्त मन्त्रालयले उक्त कम्पनी र यसका कार्यकारीहरुमाथि प्रतिबन्ध लगाइएको जानकारी दिएको छ ।