प्रधानमन्त्रीको ओलीको राजिनामा माग्दै चितवनमा राँके जुलुस (भिडियो सहित)

चितवन। नेपाल विद्यार्थी संघ चितवनले सरकारको बिरोध गर्दै बिहिवार साँझ मसाल भरतपुरमा जुलुस निकालेको छ। कोरोना भाईरस नियन्त्रणका लागि लकडाउन गरेको समयमा सरकार भने राजनीतिक दाउपेचमा लागेको तथा भ्रष्टाचार गरेर अकुत कमाउन लागेको भन्दै नेबिसंघले राँके जुलुस निकालेको हो। सरकारकले भनेको सामाजिक दुरी कायम गर्दै नेबिसंघले राँके जुलुस निकालेको नेबिसंघ चितवनका नेता परमेश्वर खनालले बताए।

भरतपुरको कोरोना अस्पतालमा भएको अनियमीतता र सांसद अपहरण जस्ता विषयमा सरकार जिम्मेवार रुपमा प्रस्तुत हुन नसकेको नेबिसंघको आरोप छ। भरतपुर महानगरपालिका वडा नम्बर १० को नहरचोकबाट निस्किएको मसाल जुलुस बिशालचोक पुगेर कोण सभामा परिणत भएको थियो।