शीर्ष स्थानमा लिभरपुललाई ५ अंकको अग्रता

काठमाडौँ — लिभरपुलले इंग्लिस प्रिमियर लिगको शीर्ष स्थानमा आफ्नो अग्रतालाई आइतबार पाँच अंक पुर्‍याएको छ । लिभरपुलले दोस्रो हाफमा गरेको उत्कृष्ट प्रदर्शनमा बर्नमाउथलाई भिटालिटी स्टेडियममा ४–० ले हराएको हो ।

डार्विन नुनेज र डिएगो जोटाले लिभरपुलका लागि दोस्रो हाफमा दुई/दुई गोल गरे । यो जितपछि उसको २१ खेलबाट ४८ अंक भएको छ । लिभरपुलका पछाडि म्यानचेस्टर सिटी, आर्सनल र एस्टन भिल्लाको समान ४३ अंक छ ।