दुर्गम ठाउँको विकासका लागि सरकार अघि सर्नुपर्दछ : अध्यक्ष ओली

हुम्ला । नेकपा (एमाले) का अध्यक्ष केपी शर्मा ओलीले दुर्गम ठाउँको विकासका लागि सरकार अघि सर्नुपर्ने बताएका छन् । आदिवासी जनजाति दिवसको अवसरमा बुधवार आयोजित हुम्लाका युवाको सांस्कृतिक कार्यक्रमलाई यहाँ सम्बोधन गर्दै उनले दुर्गम ठाउँको विकासमा सरकार नलागी नहुने बताए ।

“सरकार नलागी दुर्गम ठाउँको समग्र विकास गर्न सकिँदैन । शिक्षा, स्वास्थ्य, यातायात, पर्यटन, जडीबुटी उत्पादन, प्रशोधनजस्ता कुराको विकास गर्नका लागि सरकार चाहिन्छ”, उनले भने ।