लोकदर्शन रेग्मीको कोपभाजनमा परेका गोकर्णमणि दुवाडी बल्ल सचिवमा बढुवा

काठमाडौं- गोकर्णमणि दुवाडी, नेपाल सरकारको बरिष्ठ सहसचिव। सचिवमा बढुवाका लागि चाहिने उच्चस्तरीय व्यवस्थापन तालिम उत्तीर्ण गरी बढुवाको लाइनमा बसेका। त्यतिमात्रै होइन, बढुवाका लागि प्रदेश जानैपर्ने भन्दै सरकारले तीन वर्षअघिबाट सहसचिवहरूलाई प्रदेश पठायो। बागमती प्रदेश बसेर पनि फर्किए।

बागमती प्रदेशबाट फर्केलगत्तै सचिव हुनुपर्ने उनी लामो समय सहसचिवमा नै अड्किए। दुवाडीलाई अहिलेकै सरकारले भूमि व्यवस्था तथा अभिलेख (तत्कालीन् मालपोत) विभागको महानिर्देशक बनाएको थियो। तर उनै दुवाडी बढुवाको सिफारिसमा एक नम्बरमा परेको ७ महिनासम्म सचिव हुन पाएनन्।