विराटनगर महानगरपालिकामा कोरोना संक्रमितको संख्या ८ सय १२ पुग्यो

विराटनगर : विराटनगर महानगरपालिकामा पछिल्लो समय तीव्र गतिमा कोरोना संक्रमितको संख्या बढेसँगै होम आइसोलेसनमा बस्नेको संख्या पनि बढेको छ। महानगरपालिकाका अनुसार हालसम्म ८ सय १२ जनामा कोरोना संक्रमण पुष्टि भएको छ।

जसमध्ये १ सय ७८ जना कोरोना संक्रमणमुक्त भएका छन्। ७ जना कोरोना संक्रमितको मृत्यु भइसकेको छ। संक्रमितहरुमध्ये ३ सय २५ जना होम आइसोलेसनमा बसेका छन्। होम आइसोलेसनमा एक सय ९४ महिला र एक सय ३४ पुरुष रहेको महानगरपालिकाले जनाएको छ।