जालिम मियाँले बादल र प्रचण्डको नाम लिएपछि प्रहरीले दर्ता गरेन बलात्कारको किटानी जाहेरी

वीरगंज। जगरनाथपुर बलात्कार काण्डमा पीडित आमाबुवाको जाहेरी दर्ता नगरेको पर्सा प्रहरीले मुख्य आरोपितलाई पक्राउ नगरी अर्का एक निर्दोष बालकलाई पक्राउ गरी एक रात हिरासतमा राखि आइतवार बेलुका छोडेको छ।

प्रदेश नं २ का मुख्यमन्त्री लालबाबु राउतको निवासस्थल जगरनाथपुर गाउँपालिका वडा नं ४ सँगै रहेको एक मुस्लिम परिवारको निकाह भइसकेको १५ वर्षीय किशोरीलाई बलात्कार भएको थियो। शुक्रबार बिहान ४ बजे किशोरीकै निवास अगाडीबाट जर्बरजस्ती लगेर जगरनाथपुर गाउँपालिकाका अध्यक्ष जालिम मियाँ मंसुरीका भान्जा नुरआलमले बलात्कार गरेको पीडित युवतीले बताउँदा पनि स्थानिय प्रसासनले सुनुवाई गरेको छैन। बरु उल्टै मिल्न दवाव दिइएको पिडितहरुको गुनासो छ।