प्रधानमन्त्री, मन्त्री र मुख्यमन्त्रीलाई पार्टी निर्णयमा बाँध्न कार्यविधि बनाउँदै माओवादी

काठमाडौँ — माओवादीले पार्टीबाट निर्वाचित प्रधानमन्त्री, मुख्यमन्त्री, मन्त्री र पालिकाका जनप्रतिनिधिहरूलाई पार्टीको सामूहिक निर्णयमा बाँध्न कार्यविधि बनाउने भएको छ । संघ, प्रदेश र स्थानीय सरकारमा रहेका नेताहरू पार्टी नीतिअनुसार नचलेको गुनासो बढेपछि माओवादी पदाधिकारी बैठकले कार्यविधि ल्याउने निर्णय गरेको हो ।

प्रधानमन्त्री एवं पार्टी अध्यक्ष पुष्पकमल दाहाल इटाली भ्रमणमा रहेका बेला आसन्न केन्द्रीय समिति बैठकका लागि एजेन्डा तय गर्न केन्द्रीय पदाधिकारीको बैठक बसेको थियो । केन्द्रीय समिति बैठक साउन तेस्रो साता हुँदै छ ।