सगरमाथाको उचाइ कति रे कति? तपाईँ पनि सुन्नुस् त, कतै बोली चिप्लिएको पो हो कि !

यतिबेलासम्म तपाईँहरुले सगरमाथाको नयाँ उचाइ घोषणा भएको थाहा पाइसक्नुभयो होला। हजुर, समाचारहरुमा आए अनुसार नेपाल र चीनले संयुक्त रुपमा सगरमाथाको उचाइ ८ हजार ८ सय ४८ दशमलव ८६ मिटर घोषणा गरेका छन्।

सगरमाथाको उचाइ घोषणाको कार्यक्रम टेलिभिजनमा प्रत्यक्ष प्रसारण गरिएको थियो। उचाइ घोषणा नेपालबाट परराष्ट्र मन्त्री प्रदीप ज्ञवाली र चीनबाट विदेश मन्त्री वाङ यीले भिडियो कन्फ्रेन्सबाट संयुक्त रुपमा गरेका थिए।