बेलायतमा कोरोना संक्रमणबाट ३० हजार बढीको निधन

file photo

लन्डन । बेलायतमा कोरोना भाइरस (कोभीड–१९) बाट मृत्यु हुनेको संख्या ३० हजार ६ सय १५ पुगेको छ । गएको २४ घन्टाभित्र ५ सय ३९ जनाको कोरोना भाइरसका कारण निधन भएको छ । गएको २४ घन्टाभित्र थप ५ हजार ६ सय १४ जनामा कोरोनाको संक्रमण देखिएको छ । हाल बेलायतमा कोरोना संक्रमितहरुको संख्या २ लाख ६ हजार ७ सय १५ रहेको छ । त्यस्तै २४ घन्टाभित्र ८६ हजार ५ सय ८३ जनामा कोरोनाको परीक्षण गरिएको छ । दैनिक १ लाख जनाको कोरोना परिक्षण गरिने सरकारको नीति रहेपनि विगत केहिदिन यता, उक्त संख्या कम भएको छ । हालसम्म बेलायतमा १५ लाख मानिसहरुमा कोरोनाको परीक्षण गरिसकिएको छ ।