मन्त्री तथा उच्च पदस्थ कर्मचारीलाई विदेश भ्रमणमा रोक

काठमाडौं । सरकारले अति आवश्यक अवस्थामाबाहेक मन्त्री र उच्च पदस्थ कर्मचारी विदेश भ्रमणमा जान नपाउने निर्णय गरेको छ ।

वैदेशिक भ्रमणमा फजुल खर्च हुन थालेपछि सो निर्णय गरिएको हो । गत मंगलबार बसेको मन्त्रिपरिषद् बैठकले अति आवश्यकबाहेक मन्त्री र कर्मचारीलाई विदेश भ्रमणमा जान रोक लगाउने निर्णय गरेको सरकारका प्रवक्ता सञ्चारमन्त्री रेखा शर्माले बुधबार मन्त्रिपरिषद् बैठक निर्णय सार्वजनिक गर्दै जानकारी दिनुभएको हो ।