परराष्ट्रमन्त्री ज्ञवाली र राजदूत यान्छीबीच पूर्व निर्धारित कार्यक्रम बिनै भेटवार्ता

काठमाडौं- परराष्ट्रमन्त्री प्रदीप ज्ञवाली र नेपालका लागि चिनियाँ राजदूत हाउ यान्छीबीच बिहीबार दिउँसो भेटघाट भएको छ। मन्त्री ज्ञवाली र राजदूत यान्छीबीच परराष्ट्र मन्त्रालयमा भेट भएको चिनियाँ दूतावास स्रोतले जानकरी दिएको हो। परराष्ट्र मन्त्रालयले भने बिहीबार चिनियाँ राजदूतसँग भएको भेटघाटको विषयमा औपचारिक रुपमा जानकारी दिएको छैन।

चिनियाँ राजदूत यान्छीको पछिल्लो सक्रियतालाई नेकपाभित्रको विवाद मिलाउने प्रयोजनका रूपमा व्याख्या गर्न थालिएका बेला यान्छीले मन्त्री ज्ञवालीलाई भेटेकी हुन्।