अमेरिकामा कोरोनाको कारण मृत्यु हुनेको संख्या ७७ हजार नाघ्यो

काठमाडौं । विश्वमा सबैभन्दा बढी कोरोना संक्रमित र मृतक रहेको देश संयुक्त राज्य अमेरिकामा हालसम्म कोरोनाको कारण ७७ हजार ५ सय ६२ जनाको ज्यान गइसकेको छ । त्यस्तै यो समाचार तयार पार्दासम्म १२ लाख ९९ हजार ९ सय १२ जना कोरोना संक्रमणको शिकार भएका छन् । बितेको २४ घण्टामा मात्र कोरोनाको कारण ६ सय बढीको ज्यान गएको र ७ हजार २ सय ८९ जना नयाँ संक्रमित थपिएका छन् ।

त्यस्तै हालसम्म कोरोना संक्रमित मध्ये त्यहाँ १७ हजार २० जनाको अवस्था गम्भीर रहेको वल्डोमिटरको तथ्यांकले देखाएको छ । भने हालसम्म त्यहाँ ८३ लाख ८० हजार बढीको कोरोना परीक्षण गरिएको छ ।