१४ वर्षपछि मधेस राजनीतिको खोलो फर्कियो, राजपा र समाजवादी मिलेर बन्यो जनता समाजवादी पार्टी 

काठमाडौं, वैशाख ९ : राष्ट्रिय जनता पार्टी नेपाल र समाजवादी पार्टीबीच एकताका लागि सहमति पत्रमा हस्ताक्षर भएको छ। बुधबार मध्यराति दुवै पार्टीले एकीकरण गर्ने सहमति गरेका हुन्। एकीकृत पार्टीको नाम जनता समाजवादी पार्टी रहने सहमति जुटेको छ।

बुधबार राति भएको एकता सहमतिमा राजपाका तर्फबाट अध्यक्ष मण्डलका सदस्यहरु महन्थ ठाकुर, राजेन्द्र महतो, शरतसिंह भण्डारी, महासचिव केशव झा , समाजवादीका तर्फबाट संघीय परिषद् अध्यक्ष डा बाबुराम भट्टराई, केन्द्रीय अध्यक्ष उपेन्द्र यादव, अशोक राई र राजेन्द्र श्रेष्ठले हस्ताक्षर गरेका छन्।