कोरोना अपडेटः विश्वभर ८८ लाख ४१ हजार बढीमा फैलियो संक्रमण, कुन देशको अवस्था कस्तो ?

काठमाडौं । विश्वव्यापी महामारीको रुपमा फैलिएको कोरोना भाइरस (कोभिड १९) को कारण विश्वभर ज्यान गुमाउनेको संख्या ४ लाख ६४ हजार ५ सय ३ पुगेको छ । यो समाचार तयार पार्दासम्म विश्वभरका ८८ लाख ४१ हजार ५ सय ५४ जनामा कोरोना संक्रमण देखिएको र संक्रमितमध्ये ४६ लाख ९६ हजार २ सय ७९ जना कोरोना उपचारपछि निको भएर घर फर्किएको वल्डोमिटरको तथ्यांकले देखाएको छ । त्यस्तै संक्रमितमध्ये ५४ हजार ५ सय १ जनाको अवस्था गम्भीर रहेको छ ।

संयुक्त राज्य अमेरिकामा हालसम्म कोरोना भाइरसको असर सबैभन्दा बढी देखिएको छ । यो समाचार तयार पार्दासम्म अमेरिकामा कोरोनाको कारण ज्यान गुमाउनेको संख्या १ लाख २१ हजार ६ सय ५२ पुगेको छ । बितेको २४ घण्टामा १६ हजार ७ सय ३० संक्रमित थपिएसँगै कुल संक्रमितको संख्या २३ लाख १३ हजार ९ सय २० पुगेको छ । हालसम्म ९ लाख ५८ हजार २ सय ३४ जना कोरोना उपचारपछि निको भएर घर फर्किएका छन् भने संक्रमितमध्ये १६ हजार ५ सय ३१ जनाको अवस्था गम्भीर रहेको वल्डोमिटरको तथ्यांकले देखाएको छ । त्यस्तै बितेको २४ घण्टामा मात्र कोरोनाको कारण २ सय ४५ जनाले ज्यान गुमाएका छन् ।