संघीयता मात्रै दोषी हो र ?
rajdhanidaily.com · Wed Aug 04 23:25:45 GMT 2021
नेपालको प्रमुख समस्या भनेको गरिबी, बेरोजगारी, महँगी, शान्ति सुरक्षाको कमजोर अवस्था तथा आर्थिक अनियमितता हो । आर्थिक पारदर्शिता र सुशासनबिना नेपालजस्तो देशको प्रगति असम्भव छ । देशको पढेलेखेका जमात, विश्लेषक तथा कतिपय मिडियाकर्मीसमेतले समाजमा यस्तो भाष्य (नैरेटिभ) स्थापित गरिदिएका छन् कि देशको प्रत्येक समस्याका निमित्त संघीयता नै जिम्मेवार छ । यथार्थमा देशका ठूला राजनीतिक दलहरू नेपाली कांग्रेस, नेकपा एमाले तथा राप्रपा नेपाल सैद्धान्तिक रूपमा नै संघीयताविरोधी रहिआएका छन् । संघीय संरचनालाई नेपालका निम्ति असान्दर्भिक, अनावश्यक र खर्चिलो साबित गर्न उपरोक्त दल र तिनका समर्थक अहोरात्र परिश्रम गर्दै आएका छन् । विदेशी सञ्चार माध्यमको जागिरबाट राजनीतिमा पदार्पण गरेका एक जना महानुभावको संघीयताबारे जनमत संग्रह गर्नुपर्ने भन्ने टिप्पणीले पनि उपरोक्त तीन दलकै चाहना र भावनाको प्रतिनिधित्व गरेको छ ।
जुन संघीयता नेपालमा आएकै छैन । त्यसलाई नै वर्तमान समस्याको कारक बताउनु पूर्वाग्रही मानसिकताको प्रतीक हो । नेपालमा हाल देखिएका समस्या संघीयताकै उपज ठान्नेहरूले यथार्थमा संघीयतालाई बुझेकै छैनन् । स्थानीय तहको वर्तमान संरचना देशका संघीयताविरोधीको साझा षड्यन्त्रको परिणाम हो । विद्यमान स्थानीय तहको संरचनालाई संघीयताको सौताका रूपमा ल्याइएको हो । प्रादेशिक सरकारभन्दा बढी अधिकार स्थानीय तहलाई दिनु यसैको परिणाम हो ।
स्रोतमा पूरा पढ्नुहोस् (rajdhanidaily.com)