'अन्तिम तानाशाह' विरुद्ध जारी छ बेलारुसमा प्रदर्शन, २५० जना प्रहरी नियन्त्रणमा

बेलारुसका राष्ट्रपति एलेक्सजेन्डर लुकास्हेनविरुद्ध एक महिनाभन्दा बढी समयदेखि विरोध प्रदर्शन भइरहेको छ। ‘युरोपका अन्तिम तानाशाह’ को रुपमा चिनिने लुकास्हेनको फेरि राष्ट्रपतिमा निर्वाचित भएसँगै बेलारुसभर प्रदर्शन भइरहेको छ। प्रदर्शनका क्रममा कयौं विपक्षी नेताहरुलाई पक्राउ गरिएको छ भने कतिजनालाई देश छाड्न बाध्य बनाइएको छ।

करिब २६ वर्षदेखि बेलारुसको राष्ट्रपतिका रुपमा शासन गर्दै आइरहेका लुकास्हेनकाविरुद्ध सडकमा ओर्लिएर ‘प्रजातन्त्र’ को माग गरिरहेका छन्। प्रदर्शनका क्रममा प्रदर्शनकारी र प्रहरीबीच दैनिक झडप भइरहेको छ।