‘जय हो’ मा एक्सन र लभस्टोरी

काठमाडौँ — भदौ ८ देखि प्रदर्शनमा आउने फिल्म ‘जय हो’ को टिजर सार्वजनिक गरिएको छ । टिजरमा कमेडी, एक्सन र लभस्टोरीको सम्मिश्रण देख्न सकिन्छ ।

टेक पौरखी राईद्वारा निर्देशित फिल्ममा अर्पण थापा, केकी अधिकारी, सलोन बस्नेत, निशा अधिकारी, माओत्से गुरुङ, सुमिन गुरुङ, प्रेम पाण्डे, सुशान्तकुमार श्रेष्ठलगायत कलाकारले अभिनय गरेका छन् । मुस्ताङका रमणीय स्थानहरूमा खिचिएको फिल्ममा राज के अधिकारी र सुरज सरकारको लगानी छ ।