बाबुरामको प्रस्तावः ‘राष्ट्रपतिदेखि शिक्षक लगायत सबैको तलबभत्ता पनि रोक्ने हो कि ?’

काठमाडौं । जनता समाजवादी पार्टीका वरिष्ठ नेता डा.बाबुराम भट्टराईले राष्ट्रपतिदेखि शिक्षकसम्मको तलबभत्ता रोक्न प्रस्ताव गरेका छन् । आइतबार सामाजिक सञ्जालमार्फत नेता भट्टराईले सो प्रस्ताव गरेका हुन् ।

कोरोना महामारीमा आमजनता जीवन मरणको लडाईमा रहेको बताउँदै नेता भट्टराईले राज्यकोषबाट तलब खाने राष्ट्रपति, प्रधानमन्त्री, मन्त्रीदेखि कर्मचारी र शिक्षकको तलब रोक्नुपर्ने बताउँदै भनेका छन्ः ‘आम जनता जीवनमरणको यो गम्भीर अवस्था नबुझ्नेहरुको घैंटोमा घाम लगाउन राज्यकोषबाट तलब खाने राष्ट्रपति, प्रधानमन्त्री, मन्त्री, न्यायाधीश, सांसद, कर्मचारी, शिक्षक लगायत सबैको तलबभत्ता पनि रोक्ने हो कि ?’