युरोपमा कोरोना महामारी दोश्रो चरणमा प्रवेश गर्ने खतरा देखियो

एजेन्सी । युरोपमा दोश्रोपटक कोरोना महामारीको खतरा देखिन थालेको छ । युरोपका जर्मनी, स्पेन, फ्रान्स, बेलायत लगायतका मुलुकहरुमा पछिल्ला दिन नयाँ केसहरु बढी देखिन थालेका छन् । जर्मनीमा ३ महिनापछि एकैदिन निकै धेरै संक्रमितहरु फेला परेका छन् भने स्कटल्याण्डको एबरडिन शहरमा कोरोना महामारी रोक्न पुनः लकडाउन घोषणा गरिएको छ ।

यी युरोपेली देशहरुमा पछिल्ला महिनाहरुमा कोरोना संक्रमितको संख्यामा उल्लेख्य कमी आएको थियो । जर्मनीको रोग नियन्त्रण शाखाकाअनुसार बुधबार त्यहाँ देशभर १ हजार ४५ नयाँ संक्रमितहरु फेला परेका छन् । जर्मनीमा गत ७ मे पछि पहिलोपटक १ हजारभन्दा बढी नयाँ संक्रमित फेला परेका हुन् ।