आयरल्याण्डको राष्ट्रपतिमा कोनोली निर्वाचित हुने पक्का

आयरल्याण्डका वामपन्थी क्याथरिन कोनोली देशको नयाँ राष्ट्रपतिमा चुनिने प्रबल सम्भावना देखिएको छ। उहाँको एकमात्र प्रतिद्वन्द्वीले मत परिणाम आफ्नो अपेक्षाभन्दा टाढा गइसकेको स्वीकार गर्नुभएको छ।

‘द आयरिश टाइम्स’ पत्रिकाका अनुसार शनिबार अबेरसम्म आधिकारिक नतिजा आउने अपेक्षा गरिएको छ । राष्ट्रपतिको मतदानमा धेरै मतदान केन्द्रहरूमा ४० प्रतिशतभन्दा कम मतदान भएको रिपोर्ट गरिएको छ। सम्भवतः आठ मध्ये एकभन्दा बढी मतदाताले आफ्नो मतपत्र बिगारेको रिपोर्ट पनि सार्वजनिक भएको छ।