नशामा धूत बलिउड : ‘लागूऔषध च्याट ग्रुप’मा दीपिका आफै एडमिन, च्याटबारे ‘स्विकारोक्ती’

भारत । बलिउड अभिनेत्री दीपिका पादुकोणले भारतको ‘नारकोटिक्स कन्ट्रोल ब्यूरो’ (NCB) को सामू पहिलो चरणमा बयानका क्रममा एउटा ठूलो स्विकारोक्ति गरेकी छिन् । उनले आफ्नो म्यानेजर करिश्मा प्रकाशसँग भएको ‘लागूऔषध च्याटमा भएको कुरा स्वीकार’ गरेकी छिन् । यता NCB लाई दीपिकाले दिएको केही जवाफहरुमा ब्यापक असन्तोष जाहेर गरेको छ । NCB ले सोधेका केही प्रश्नहरुको जवाफ दीपिकाले दिइनन । झण्डै साढे ५ घण्टा भएको त्यस सोधपूछको पहिलो चरण मैं NCB ले उनको फोन जफत गरेको थियो र कुनै पनि प्रमाणहरुसँग छेडछाड नगर्न कडा चेतावनी दिएको थियो ।

स्रोत अनुसार दीपिकाले अधिकांश प्रश्नहरुको गोलमाल जवाफ दिएकी थिइन तथा ती जवाफहरु सुन्दा लाग्थ्यो कि उनलाई पहल्यै नै सबै उत्तरहरुका लागि सिखाएर पठाइएको थियो, उनी त्यस्ता सम्भावित प्रश्नहरुको उत्तर दिनका लागि तयार भएर आएकी थिइन । त्यसकारण NCB ले उनलाई क्लीन चिट दिएन ।