अन्तत: तेस्रो प्रयासमा चन्द्रमामा राष्ट्रिय झण्डा गाड्न सफल बन्यो चीन

बेइजिङ: चीनले चन्द्रमाको सतहमा आफ्नो राष्ट्रिय झण्डा गाड्दै चन्द्रमामा झण्डा गाड्ने विश्वमै दोस्रो देश बनेको छ । अमेरिकाले चन्द्रमामा आफ्नो झण्डा गाडेको ५० वर्षपछि चीनले पनि झण्डा गाडेको हो ।

चीनको 'नेश्नल स्पेश एडमिनिस्ट्रेशन' ले हालै सार्वजनिक गरेको एक तस्बिरमा पाँच तारे झण्डा हावारहित चन्द्रमाको सतहमा ठडिएको अवस्थामा देखिएको छ । अन्तर्राष्ट्रिय मिडियाका अनुसार बिहीबार 'चाङ ए-५' ले चन्द्रमाको चट्टानको नमूना संकलन गर्नुअघि उक्त तस्बिर खिचिएको थियो ।